Articles by "News"
Showing posts with label News. Show all posts
As salaam aleikum Yawezekana umewahi kusikia kuhusu teknolojia ya Wi-Fi na pengine na wewe ni miongoni mwa wanaotumia teknolojia hii. Kama hujui, hii ni teknolojia inayokuwezesha kupata intaneti kwenye simu yako ya mkononi, tablet, kompyuta au vifaa vingine vyote vinavyotumia intaneti.

Kwa kutumia Wi-Fi, unaweza kutazama video mtandaoni, unaweza kusikiliza muziki, kuingia kwenye mitandao ya kijamii, Instagram, Facebook, WhatsApp, Snapchat na mitandao mingine kibao. Kwa kifupi, unaweza kufanya kila kitu kinachohusianana intaneti bila kuwasha ‘data’ kwenye simu yako.

Unachotakiwa ni kuwa tu sehemu yenye Wi-Fi, kisha unaji-connect kwa kupitia simu yako au kifaa chochote kinachotumia intaneti na unaendelea kuperuzi kwenye mitandao kwa kasi kubwa pengine kuliko ukitumia ‘data’, kutegemea na uimara wa Wi-Fi mahali ulipo.

Wakati Wabongo wengi ndiyo kwanza wameanza kuishtukia teknolojia hii na kuanza kuitumia kwa kasi, kwenye maofisi mengi kukiwa kumefungwa vifaa maalum vya kukuwezesha kupata Wi-Fi bila chenga, nchi za wenzetu tayari kilishakuwa kitu cha kawaida sana na yapo baadhi ya majiji ambayo unapata Wi-Fi ya bure popote ulipo!

Kwa jinsi dunia inavyokwenda kasi, wakati sisi ‘tukihangaika’ na Wi-Fi, tayari wanasayansi kwenye nchi zilizoendelea, wamegundua teknolojia mpya, yenye kasi ya zaidi ya mara mia moja ya Wi-Fi ya kawaida.

Teknolojia hii inaitwa Li-Fi (Light Fidelity) na tofauti na Wi-Fi inayotumia mawimbi ya radio (radio waves), Li-Fi inatumia mawimbi ya mwanga (Light Waves).

Kinachofanyika ni kwamba, taa maalum (LED Light) ndizo zinazotumika kusambaza mawimbi ya Li-Fi na watu waliopo ndani ya eneo ambalo mwanga wa taa hiyo unafika, wanakuwa na uwezo wa kupata intaneti yenye kasi kama ya mwanga! Yaani hata kama video ni kubwa kiasi gani, ukitaka kudownload, unagusa tu na ndani ya sekunde chache kazi inakuwa imeshakwisha.

Taa hizo huwa zinaunganishwa na kifaa maalum ambacho ndicho kinachopokea intaneti kutoka kwenye satelite, kisha kinaibadilisha kwenda kwenye mawimbi ya mwanga na kuisambaza kupitia taa hizo, ambazo zinatakiwa kuwashwa muda wote ili kupata intaneti. 
Kasi ya Li-Fi, ni 224 gigabits/seconds na kama nilivyokueleza, ni zaidi ya mara 100 ya Wi-Fi ya kawaida. Mgunduzi wa teknolojia hii ni Profesa Harald Haas wa Chuo Kikuu cha Edinburgh nchini Uingereza na tayari imeshafanyiwa majaribio nchini Uingereza, Marekani, Dubai na maeneo mengine duniani.

Changamoto kubwa ni kwamba, ili kuwahudumia watu wengi zaidi, taa zinatakiwa kuwa nyingi na zinatakiwa kuwashwa muda wote, hata mchana. Pia Li-Fi haina uwezo wa kuvuka ukuta, taa ikiwashwa ni wale tu waliopo ndani ya eneo mwanga unapofika ndiyo watakaopata intaneti.

Ili kukabiliana na tishio la Li-Fi inayoonekana kama itakuja kuliua soko la Wi-Fi, Kampuni inayotoa huduma za Wi-Fi ipo mbioni kuanza kutumia teknolojia mpya iitwayo Wi-Fi HaLow ambayo nayo itakuwa na kasi kubwa zaidi ambayo hata hivyo, bado haitaifikia Li-Fi.

Tayari makampuni makubwa kama PureLiFi, Lucibel, Icade na Phillips pamoja na Jeshi la Marekani yameongeza nguvu na kuanza katika project hiyo kubwa na kuanza kutengeneza vifaa vyenye uwezo wa kupokea mawimbi ya Li-Fi na matarajio ni kwamba mpaka ikifika 2020, Li-Fi itakuwa imesambaa dunia nzima.
Kampuni ya Yahoo ambayo inajihusisha na utoaji wa huduma za barua pepe, hivi karibuni imetangaza kuja na huduma mpya ambayo itawaruhusu watumiaji wa huduma za Yahoo kuweza kuchat na ndugu na jamaa pamoja na marafiki kwa kutumia huduma mpya inayoitwa Yahoo Together.
Yahoo Together ni app ambayo imechukua muonekano na mtindo wa App ya Slack ambayo pia hutoa huduma ya kuchat kama ilivyo kwenye app hiyo mpya ya Yahoo Together. Tofauti na app ya Slack, App hii mpya ya Yahoo inakupa uwezo wa kuchat kwenye magroup lakini ni lazima kuwa na barua pepe ya mtandao wa Yahoo ndipo uweze kutumia app hiyo mpya.

Moja kati ya sehemu nzuri kwenye app hii ni sehemu inayoitwa Smart Reminders, sehemu hii itakuwezesha kuweka meseji ili ijitume yenyewe kwa wakati fulani na muda huo utakapo fika meseji hiyo itajituma kwa watu wote kwenye group husika. Sehemu nyingine ni Blast, highlights sehemu ambazo zitakupa uwezo wa kuwekea rangi kwenye meseji fulani ili watu wengine kwenye group waweze kuiona meseji husika pale watakapoingia kwenye group.
Kwa sasa tayari app hii ipo kwenye masoko ya Play Store na App Store hivyo unaweza kuipakua moja kwa moja kupitia masoko hayo
Hapo asubuhi ya jana, kampuni ya Facebook kupitia ukurasa wake wa habariilichapisha taarifa juu ya udukuwaji uliofanyika siku za karibuni. Kupitia habari hiyo Facebook imeandika kuwa imegundua tatizo kwenye mtandao huo ambalo limeletwa na mdukuaji au wadukuaji ambapo akaunti zaidi ya milioni 50 zinaweza zikawa zimeadhiriwa.
Kwa mujibu wa Facebook kupitia udukuaji huo ulifanyika kwa kutumia sehemu maalum inayopatikana kwenye App ya Facebook ambayo inajulikana kama “View As”. Kwa wale ambao hamjawahi kutumia sehemu hii, hii ni sehemu inayo kuruhusu kuweza kuangalia ukurasa wako kama mtu mwingine ili kuweza kuona ukurasa wako unaonekanaje pale mtu anapokuwa ana tembelea ukurasa huo.
Sasa kupitia udukuaji uliofanyika Facebook inadai kuwa, wadukuaji au mdukuaji anaehusika alikuwa akitumia sehemu hiyo kuweza kuiba token (ziko kama mfululizo wa namba nyingi) ambazo hizi ndio husaidia mtu anapokuwa ameingia (login) kwenye App ya mtandao huo kuweza kuendelea kutumia mtandao huo bila kuingia (login) kila wakati anapotaka kutumia app hiyo ya Facebook.
Hata hivyo makala hiyo inaendelea kuandika kuwa, kampuni ya Facebook iligundua kuhusu udukuaji huo siku ya tarehe 25 ya mwezi September baada ya kupewa taarifa na Guy Rosen ambaye ni Makamu wa rais wa usimamizi wa bidhaa wa kampuni ya Facebook. Hata hivyo mara baada ya kupewa taarifa na mfanyakazi huyo, Facebook ilichukua hatua ya kuzima sehemu “View As” na baadae kulazimisha watumiaji milioni 90 walio wahi kutumia sehemu hiyo kwa kipindi kirefu kuweza kuingia (Login) upya kwenye akaunti zao na kuwapa ujumbe wenye kuonyesha ni kwanini.
Kwa mujibu wa tovuti ya TheVerge, udukuaji huu unakuja masaa machache kutoka mdukuaji salama “white hat hacker” wa nchini Taiwan Chang Chi-yuan, kutangaza kuwa amegundua tatizo kwenye mtandao wa Facebook tatizo ambalo linamuezesha kuweza kufuta ukurasa wa Facebook wa mkurugenzi mtendaji wa Facebook Mark Zuckerberg. Hata hivyo mdukuaji huyo salama alitanga hayo kupitia kwenye mtandao wa Facebook na kusema kuwa ataonyesha tukio hilo mubashara kupitia ukurasa wake wa Facebook kama kitendo cha kufundisha watu jinsi ya kugundua matatizo kama hayo.
Hata hivyo baadae “white hat hacker” huyo alitangaza kuwa ameamua kuwasilisha tatizo hilo kwa kampuni ya Facebook na hivyo hatoweza kuonyesha mubashara tukio hilo la kifuta ukurasa wa Zuckerberg na kudai kuwa atakuja kuonyesha pale atakapo pewa zawadi ya pesa za kugundua tatizo hilo kwenye mtandao huo. Facebook na makampuni mengine makubwa ya mtandaoni huwa na utaratibu wa kutoa zawadi ya pesa kwa wadukuaji salama “white hat hacker” wakionyesha matatizo mbalimbali ya ulinzi ya mitandao yao.
Kama ilivyo andikwa kwenye ukurasa wake, Facebook hutoa kiasi cha chini cha dollar za marekani $500 ambayo ni sawa na Tsh 1,143,000 kwa tatizo la ulinzi litakalo gundulika na mdukuaji salama na hutoa pesa zaidi ya hizo kulingana na tatizo lilogundulika, yaani ni sawa na kusema tatizo linapokuwa kubwa zaidi basi ndio kiasi cha pesa kinakuwa kikubwa zaidi.
Mdukuaji huyo ChiYuan Chang, anajulikana kwa kazi yake ya udukuaji salama na ameandikwa kwenye ukurasa wa mtandao wa LINE wa mwaka 2016 kama mmoja wa wadukuaji wazuri waliosaidia mtandao huo kugundua matatizo mbalimbali.
Kwa sasa Facebook imeshatoa taarifa kwa mamlaka husika nchini marekani na tayari sehemu hiyo imeshafanyiwa marekebisho ila Facebook inasema kuwa bado haijampata anae husika na udukuaji huo na inawezekana kutokumjua kabisa kutokana na aina ya udukuaji uliofanyika. Vilevile Facebook hivi leo inakabiliwa na kesi ya kujibu iliyofunguliwa na baadhi ya watumiaji wa mtandao huo wakidai kuwa udukuaji huo wa Facebook umesababisha uwezekano wa watu kuweza kuiba utambulisho wao “identity theft” kwa urahisi zaidi.
RAM ni kiungo cha muhimu sana kwenye simu za mkononi, RAM husaidia simu kufanya kazi kwa haraka na pia husaidia simu kuwa na uwezo wa kufungua programu nyingi kwa wakati mmoja, vilevile RAM ni muhimu kwa wale wapenzi wa kucheza Game kwenye simu kwani hii ndio uchukua nafasi kubwa kwa kukupa uwezo wa kucheza game bila kukwama kwama.
Sasa baada ya kujua umuhimu wa RAM kwenye simu sasa hebu ngoja nikujuze hili, hivi karibuni utanza kuona simu zenye uwezo mkubwa wa RAM kama ilivyo kompyuta. Hayo yamebainika baada ya kampuni ya Oppo kuonekana ikitrajia kuleta simu yake mpya yenye uwezo wa RAM ya GB 10.
Kupitia tovuti ya TENAA ambayo hutumiaka kutoa vibali kwaajili ya simu zote zinazoingia sokoni au zinazotarajia kuingia sokoni nchini China, simu hiyo ambayo ni toleo jipya la simu ya Oppo Find X limeonyeshwa kuja na RAM kati ya GB 10.
Mbali na hayo simu hiyo imeonekana kuja na kila kitu kinacho liangana na toleo la kwanza hivyo ni RAM pekee ndio inayotazamiwa kuongezeka kwenye toleo jipya la simu hiyo.
Kwa sasa bado hakua taarifa zaidi kuhusu lini toleo jipya la simu hii litakuja rasmi hivyo kupata habari zaidi kuhusu simu hii hakikisha unaendelea kutembelea tovuti ya Swahili Tech.
Kampuni ya Google ni moja kati ya kampuni kubwa sana kwa sasa, kampuni hii imetoka mbali sana na hapo jana kampuni ya Google imetimiza miaka 20. Kwenye miaka hiyo 20 kampuni ya Google imebadilika sana kutoka kampuni iliyoanzishwa na watu wawili kwaajili ya majaribio, hadi kufikia kampuni yenye thamani ya dollar za marekani bilioni $110.8 ambayo ni sawa na Tsh Trilioni 252.
Kwenye miaka hii ishirini 20 ya Google hebu twende tukaangalie historia ya kampuni hii ilipotoka. Kwa kuanza labda turudi nyuma kidogo hadi mwaka 1996, Mwaka huo wagunduzi kutoka chuo cha Stanford cha nchini marekani Sergey Brin na Larry Page walianza kufanyia kazi project yao ya kwanza ambayo ilikuwa inahusu mambo ya tovuti na jina la project hiyo lilikuwa Backrub.
Backrub ilikuwa ni project ya mtandaoni ambayo ilibuniwa maalum kwaajili ya kutathmini umuhimu wa tovuti au (Domain) kwa kuangalia kiasi cha link (backlink) kwenye domain au tovuti kwa ujumla. Baada ya ubunifu huu Sergey Brin na Larry Page walibadilisha jina la project hiyo na kuwa Google.
Jina Google lilitokana na neno la hisabati ambayo maana yake ni moja (1) na sufuri miamoja (100), kutoka kipindi hicho Google ilipata kujulikana na watu wengi hadi hapo mwaka 1998 ambapo Google ilipata mwekezaji wa kwanza anayeitwa Andy Bechtolsheim ambaye ni mgunduzi wa kampuni ya Sun Microsystems, ambaye yeye aliwekeza dollar za marekani $100,000 ambayo kwa sasa ni sawa na takribani Tsh milioni 230 kwa kipindi hicho lazima ilikuwa ni pungufu ya hapo.
Baada ya kupata pesa hizo waanzilishi hao wa Google, Sergey Brin na Larry Page walianzisha ofisi yao ya kwanza ambayo ilikuwa ni sehemu ya kuhifadhi vitu (Garage) ambayo ilikuwa ikimilikiwa na Susan Wojcicki ambaye sasa ni mfanyakazi wa Google na mkurugenzi mtendaji wa YouTube.
Kuanzia hapo Google imekuwa kutoka kampuni changa hadi kufikia sasa na ukweli ” ukiona nyani mzee ujue amekwepa mishale mingi ” historia ya Google haijagubikwa na mambo mazuri tu na uhakika yapo mambo mengi sana ambayo yalikuwa yawakatishe tamaa wabunifu wa kampuni hiyo mengine yameandikwa na mengine hayaja andikwa. Kwa mfano kampuni moja inayoitwa Excite ilikataa kununua kampuni ya Google kipindi hicho bado changa lakini sasa loh.. na hakika wanajuta.
Historia ya Google ni fundisho kuwa inawezekana kwa sasa jambo unalo lifanya linaonekana halina dhamani ila na hakika ukiendelea kufanya jambo hilo bila kujali maneno ya watu na bila kukatishwa tamaa na uhakika lazima siku moja utakuja kufanikiwa.
Mtandao wa Instagram ambao kwa sasa unamilikiwa na kampuni ya Facebook ulianzishwa mwaka 2010 na waanzilishi Kevin Systrom na Mike Krieger, toka kipindi hicho mtandao wa Instagram umekuwa kwa kasi hadi kufikia mwaka 2012 ambapo Facebook ililipa dollar za marekani bilioni $1 kwaajili ya kununua mtandao huo.
Baada ya Facebook kununua mtandao huo, mtandao wa Instagram umeendelea kukuwa kwa kasi hadi kufikia kiasi cha watumiaji zaidi ya bilioni 1. Kwa kipindi chote hicho waanzilishi wa mtandao huo Kevin Systrom na Mike Krieger waliendelea kufanyia kazi mtandao huo wa Instagram lakini ikiwa ni chini ya kampuni ya Facebook.
Sasa habari za hivi karibuni kutoka kwenye mitandao mbalimbali zinasema kuwa, waanzilishi wa mtandao wa Instagram Kevin Systrom na Mike Krieger wametangaza kuachana rasmi na mtandao wa Facebook, taarifa hizo zilizuka hapo siku ya jana na kutangazwa rasmi kupitia mtandao wa New York Times. Hata hivyo baadae taarifa hizo zilidhibitshwa kwa taarifa maalum iliyotolewa na mmoja ya waanzilishi hao kupitia mtandao huo.
Kupitia taarifa hiyo iliyotolewa na Kevin Systrom kwenye blog ya habari ya Instagram, Systrom ameandika kuwa “Tunatarajia kuchukua muda mwingi kuchunguza udadisi wetu na ubunifu wetu,” aliandika. “Kujenga mambo mapya inahitaji sisi kurudi nyuma na kuelewa nini kina tuhamasisha na pia kitu hicho kiendane na mahitaji ya dunia; ndio tunachotaka kufanya.” aliandika Systrom muanzilishi mwenza wa mtandao huo wa Instagram.
Hivi karibuni waanzilishi wengine wa programu ya WhatsApp kwa nyakati tofauti waliatangaza kuachana na kampuni ya Facebook, huku mmoja wao akitangaza kuachana na kampuni hiyo mara baada ya kutofautiana na kampuni hiyo juu ya uendeshaji wa mtandao wa Facebook na WhatsApp kwa ujumla kwa kile kilichosemekana kuwa ni kutokuzingati sera za faragha za watumiaji wa programu ya WhatsApp pamoja na Facebook kwa ujumla.
Wakati hayo yakiendelea, Mwenyekiti mtendaji na mwanzilishi wa mtandao wa Facebook, Mark Zuckerberg aliandika kwenye maelezo yake kuwa “Nimejifunza mengi kufanya kazi nao kwa kipindi cha miaka sita na nimefurahia sana. Ninawatakia mema wote na ninatarajia kuona kile watakachojenga baadaye. ” alisema Mark baada ya kupokea taarifa ya waanzilishi wa mtandao wa Instagram kuacha kazi kutoka kwenye kampuni yake.
Kwa sasa bado hakuna taarifa zaidi juu ya nani atakaye shikilia nafasi za wabunifu hao baada ya wabunifu hao kuachana na mtandao huo ndani ya wiki mbili zinazokuja ila kwa taarifa zaidi hakikisha unaendelea kutembelea Swahili Tech kila siku.
Idadi ya watumiaji wa teknolojia inazidi kupanda kila siku, vilevile kwa sababu ya kukuwa kwa teknolojia wengi ya watu hawa sasa wanahitaji kufanya manunuzi mtandaoni, pamoja na hayo wote tunajua usumbufu unaoweza kuupata ili kupata kadi ya benki yenye kuweza kufanya manununzi mtandaoni, ndio maana kampuni ya simu ya Vodacom Tanzania kwa kushirikiana na Mastercard inaleta huduma nzuri sana na rahisi ya kufanya manunuzi mtandaoni ya M Pesa Card.
M Pesa Card hii ni huduma mpya kutoka Vodacom ambayo itakuwezesha kupata kadi yako ambayo utaweza kuitumia kufanya manunuzi mtandaoni kwa haraka bila kuwa na haja ya kwenda benk au mahali popote kujisajili na huduma hiyo.


Sasa kama tayari unajua kuhusu huduma hii basi na uhakika tayari umeshaweza kujiunga, ila kama ufahamu basi unaweza kufuata maelezo haya, Kama unatumia laini ya simu ya Vodacom, unatakiwa kubofya namba za M Pesa ambazo ni *150*00#, baada ya hapo chagua Menu namba 4 ambayo imeandikwa Lipa kwa M-Pesa, baada ya hapo chagua namba 6 ambayo imeandikwa M-Pesa Mastercard baada ya hapo kama hii ni mara yako ya kwanza kutumia huduma hii unatakiwa kuchagua namba 1 ambayo imeandikwa Tengeneza Kadi.
Baada ya kutengeneza kadi utaletewa ujumbe mfupi wa maneno wenye tarehe ya kuisha kwa matumizi ya kadi au Expiry, namba ya utambulisho wa kadi au Card number yenye tarakimu tisa, pamoja na CVV yenye tarakimu tatu. Mambo yote haya ni muhimu sana pale utakapo taka kufanya manunuzi mtandaoni hivyo hakikisha unahifadhi meseji hiyo kwaajili ya matumizi ya haraka.
Sasa kukupa ufafanuzi kidogo ni kuwa, namba hizo zilizopo kwenye meseji hiyo ndio M-Pesa Card, hiyo ni Virtual Card au tuseme kadi ya kidigitali ambayo sio ile ya kushikika ambayo unapewa benki, bali hii ni kadi ambayo unaweza kuitumia bila kuwa na kadi ile ya plastiki, na matumizi yake ni sawa kabisa na kadi ya kawaida yenye uwezo wa kufanya manunuzi mtandaoni.
Kumbuka pale unapotaka kufanya manunuzi unatakiwa kujua namba hizo na hakikisha unaweka pesa kwenye kadi yako kwa kuingia kwenye menu ya M-Pesa kisha chagua 4 kisha chagua 6 alafu chagua namba 3 ambayo imeandikwa weka pesa kwenye kadi, kisha ingiza kiasi kisha subiri kidogo utaletewa meseji yenye kukutaka kudhibitisha kwa kubofya 1 au kubatilisha kwa kubofya 2, baada ya hapo kama umethibitisha utaletewa sehemu ya kuandika password yako ya M-Pesa na baada ya muda kidogo utakuwa umamaliza kuweka hela na utaletewa ujumbe kuwa pesa imewekwa kwenye kadi yako.
Baada ya hapo sasa utaweza kufanya manunuzi mtandaoni kwa urahisi na haraka. Ukweli huduma hii inarahisisha mambo mengi sana kwa watanzania hivyo ni matumaini yangu sasa huduma nyingi zitaweza kulipiwa kutokana na kuwezeshwa kwa huduma hii.
WhatsApp ni moja kati ya application inayofanyiwa mabadiliko mengi sana siku hizi, lakini pamoja na kufanyiwa mabadiliko mengi ni kweli kwamba application hii haijawahi kubadilika muonekano wake kuanzia ilipotangazwa rasmi hapo mwaka 2009 hadi kufikia sasa.
Kwa mujibu wa tetesi, hayo yote yanaweza kubadilika kwani inasemekana hivi karibuni WhatsApp inaweza kuja na muonekano mpya kabisa ambao utafanya watumiaji kutumia App hiyo kwa urahisi zaidi hasa wakati wa usiku. Kama ilivyo sehemu ya Dark Theme kwenye tovuti ya YouTube, Dark Mode ni sehemu ambayo inatumika kuweka giza au rangi nyeusi kwenye programu fulani ili kukupa urahisi wa kuweza kusoma maandishi hasa wakati wa usiku, Hii husaidia kuweza kulinda macho yako na kuondoa madhara yanayotokana na kuangalia rangi nyeupe kwa muda mrefu.

Kwa mujibu wa tetesi kutoka tovuti ya WABetainfo, sehemu hiyo inaonekana kuwa iko kwenye hatua za awali na pengine hivi karibuni inaweza kuwafikia watumiaji mbalimbali wa programu ya WhatsApp ya mifumo yote ya iOS pamoja na Android.
I’m happy to exclusively give the good news: WhatsApp is finally working on a Dark Mode! It’s a dream 😍
There are many important secret references in recent updates!

Be patient to see it out, hoping it will be FULL OLED friendly for Android phones, iPhone X and newer!

Kwa sasa bado hakuna taarifa zaidi za lini sehemu hiyo inaweza kuja rasmi kwa watumiaji wote, lakini kama wewe ni mmoja wa watu ambao wanapenda sehemu hii basi hakikisha unaendelea kutembelea SwahiliTech kila siku na tutakuhabarisha pindi tu sehemu hii itakapo kuja rasmi kwenye app ya WhatsApp.
Mtandao wa Twitter unaendelea kufanya maboresho mapya kila siku, Hivi karibuni Twitter ilifanya mabadiliko ya sheria zake ambapo sasa watumiaji wanapaswa kuwa na akaunti ambazo ziko hai huku umakini zaidi ukihitajika kwa wale wenye akaunti zaidi ya moja.
Mbali na sheria hizo, Twitter hivi karibuni pia imeondoa akaunti feki zaidi ya milioni pamoja na akaunti nyingine zaidi ambazo zinasemekana kuhusishwa na propaganda mbalimbali. Sasa wakati zoezi hilo likiendelea mtandao huo Juzi umetangaza sehemu mpya kabisa ya Quality Filter.
Sehemu hiyo mpya ambayo imetangazwa rasmi juzi, itamruhusu mtumiaji kuweza kuzuia meseji mbalimbali kutoka kwa watu ambao huwajui huku ukiweza kupata meseji kutoka kwa watu unao wafahamu kwa urahisi zaidi.



Kupitia sehemu hiyo ya Quality Filter kutakuwa na sehemu mbili sehemu moja ya Request, na sehemu nyingine ya Inbox. Sehemu ya Request itakuwa inatumika pale mtu usiye mjua atakapo kutumia meseji na sehemu ya Inbox itakuwa inatumika wakati mtu unayemjua atakapo kutumia meseji. Kwa mujibu wa Twitter, sehemu hii itakuwa ikileta urahisi kuunganisha watu kwa kutenganisha meseji kutoka kwa watu unao waju na usio wajua.
Sehemu hii inatagemewa kuja siku za karibuni kwenye app za Android na iOS. Sehemu hiyo itakapo kuja utaweza kuiwasha sehemu hiyo kupitia kwenye sehemu ya DM kwenye app yako ya Twitter kisha bofya kitufe cha Settings ndani ya DM na utaweza kuona sehemu hiyo ambayo itakuwa imeandikwa Quality Filter.
Kwa sasa bado sehemu hii haijawafikia watu wote hivyo hakikisha una update app yako ya Twitter kupitia masoko yote ya Play Store kwa Android na App Store kwa iOS ili kupata sehemu hiyo.
Mtandao wa instagram umekuwa ukifanya maboresho kila siku, hivi karibuni tulisikia kuhusu instagram kuleta sehemu ambayo itakusaidia kutuma picha zinazo potea baada ya muda fulani. Sehemu hiyo kwa sasa ipo kwenye app zote za instagram na unaweza kutumia sehemu hiyo sasa.
Lakini kama haitoshi, hivi karibuni mtandao huo umeanza kufanya majaribio ya sehemu mpya ya magroup ambayo yatakuwa maalum kwaajili ya vyuo mbalimbali. Kwa mujibu wa ripoti kutoka mtandao wa CNBC, Sehemu hiyo mpya itakuwa ikiwaletea taarifa wanachuo mbalimbali kuweza kujiunga na magroup ya vyuo ambavyo wanasoma kwaajili ya kuchat na wanachuo wenyewe kwa wenyewe ndani ya magroup hayo.
Hata hivyo kwa mujibu wa mtandao huo, vigezo vya mtu kuweza kutumiwa ujumbe wa kujiunga na group la chuo husika bado havija julikana rasmi ila inasemekana kuwa instagram inatazama vitu kama vile, akaunti za chuo unazozifuata, watu unao wafuata pamoja na maneno kwenye description au bio kwenye akaunti yako.


Hata hivyo baada ya kuweza kuletewa ujumbe huo wa kujiunga utaweza kuweka mwaka unaotarajia kumaliza chuo, pamoja na jina la chuo chako na moja kwa moja utaweza kuunganishwa kwenye group ambalo linaendana na chuo na mwaka uliojaza.
Ndani ya group hilo la chuo utaweza kutuma meseji za direct (DM) kwa wanachuo mbalimbali pia utaweza kuona stories za wanachuo moja kwa moja kupitia group hilo.
Kwa sasa sehemu hiyo bado ipo kwenye hatu ya majaribio na inasemekana kuwa, wakati mmoja wa wanahabari wa CNBC waliweza kujiunga na group la chuo japokuwa alikuwa amesha maliza chuo kwa muda mrefu. Kupitia tovuti ya The Verge, Instagram imesema kwa sasa bado sehemu hiyo mpya iko kwenye majaribio ya awali na hivyo ni lazima itakuwa na matatizo mbalimbali.
Bado hakuna taarifa kuhusu sehemu hii kujaribiwa hapa Tanzania na Afrika kwa ujumla, hivyo endelea kutembelea Tanzania Tech tutakujulisha zaidi kuhusu ujio wa sehemu hii mpya.
Kampuni ya Huawei inajianda kuja na toleo la simu yake mpya ya Huawei Mate 20, Wakati zikiwa zimebakia siku chache tayari tetesi za simu hiyo mpya zimeanza rasmi. Kupitia mitandao mbalimbali, tumefanikiwa kupata picha ambazo zinasemekana ni moja kati ya picha za toleo la simu mpya ya Huawei Mate 20 Lite ambayo inategemea kuzinduliwa kama toleo la simu ya Huawei Mate 20.

Kwa mujibu wa picha hizo, Huawei Mate 20 Lite itakuja na kamera mbili kwa nyuma ambazo zitakuwa kwa mtindo wa wima huku kwa chini yake kukiwa na sehemu ya Fingerprint. Simu hiyo pia inaonekana kuja na kioo chenye ukingo wa juu maarufu kama Top Notch.




Simu hii hiyo ya Huawei Mate 20 Lite pia inasemekana kuja na kava la Glass kwa nyuma, tofauti na simu ya Mwaka jana ya Huawei Mate 10 ambayo ilikuwa na kava la chuma. Simu hii pia inakuja na rangi mbili za Black pamoja na Gold.

Kwa upande mwingine bado hakuna taarifa zaidi kuhusu sifa za simu hii, ila endelea kutembelea Swahili Tech tutakujuza zaidi juu ya ujio wa simu hii pamoja na sifa kamili.
Programu ya WhatsApp ndio yenye watumiaji wengi zaidi duniani na kuwa moja ya kitu muhimu katika mawasiliano ya kila siku hata hivyo kwa mara kadhaa wadukuzi wamekuwa wakidhirisha kuwa inaweza kuchezewa.

Kuna mengi yaliyawahi kubainishwa kuhusu usalama wa kutumia WhatsApp na suala zima la udukuzi. Watafiti kutoka Check Point Software Technologies wameweka wazi kuwa WhatsApp bado inaweza kuchezewa, utajiuliza kivipi?

Wadukukuzi wanaweza kutengeneza toleo la WhatsApp ambalo ni la uwongo kisha kubadilisha majibu ambayo yanatokana na ujumbe ulionukuliwa kwenye mazungumzo kupitia WhatsApp.
Ripoti hiyo inakwenda mbali zaidi na kusema kwamba wadukuzi hao wanaweza wakabadili kile kinachojibiwa au kubadili mtu ambae ameutuma ujumbe husika.

Mfano wa ujumbe ulionukuliwa kwenye WhatsApp.
Wanaoimiliki wanafanya/wamefanya nini kuhakikisha usalama dhidi ya wadukuzi?
Kitu kizuri ni kwamba wahusika wanafahamu kitu cha namna hiyo kinaweza kutokea na wamekuwa wakiwaondoa watu ambao wanatumia toleo la WhatsApp lililodukuliwa na uwezekano wa kubadilisha ujumbe ulionukuliwa sio udhaifu kwani mfumo wa end-to-end encryption ni kitu ambacho kinaaminiwa sana kwa maana ya kwamba hakiingiliki.

India ndio yenye watumiaji wengi duniani wa WhatsApp ikielezwa kufikia zaidi ya watu mil. 200 na kampuni za simu zimeelezwa kutafuta mbinu ya kufunga programu tumishi za kutuma/kupokea ujumbe iwapo zikitumika vibaya.

Mpaka sasa hakuna taarifa ya ujumbe ambao umenukuliwa lakini majibu yake yanatatanisha (kudukuliwa) ila ni vyema kuchukua tahadhari na kuweza kutambua udukuzi iwapo ukitokea.

Chanzo: CNet
Viongozi wakubwa wa nchini marekani ambao ni viongozi wa FBI, CIA, pamoja na NSA wameonya juu ya utumiaji wa simu za Huawei na ZTE nchini marekani.

Ripoti kutoka tovuti ya CNBC, zinasema kuwa viongozi hao wamesema hayo kupitia mkutano wa Senate Intelligence Committee hearing ambao ulifanyika siku ya Jumanne na waliongoza mkutano huo walikuwa viongozi wa FBI, CIA, NSA pamoja na mkurugenzi wa usalama wa taifa wa marekani (director of national intelligence).

Wakati wa ushuhuda wake, Mkurugenzi wa FBI Chris Wray alisema ”serikali ina mashaka sana juu ya hatari za kuruhusu kampuni yoyote au taasisi za serikali za kigeni zisizo ruhusu serikali ya marekani kupata nafasi ya kujua data za mitandao ya mawasiliano ya watumiaji wake na hii itatoa nafasi kwa kampuni hizo kuiba taarifa za siri za watumiaji wake bila serikali ya marekani kujua au kuweza kuzuia.

Hata hivyo hatua hii inakuja baada ya kampuni ya Huawei kutangaza kupanua soko la simu zake huku ikitaja kuanza kuwafikia rasmi wateja wake wa nchini marekani hivi karibuni.

Huawei kupitia msemaji wake ilitoa maoni yake na kusema kuwa inajua lengo la viongozi hao kutaka kuzuia biashara ya Huawei katika soko la Marekani huku ikiwataka wateja wake kutokuwa na wasiwasi kwani Huawei ina aminika na wateja kwenye nchi 170 ulimwenguni kote na huko simu hizo hazina hatari yoyote ya usalama.