FAHAMU JINSI YA KURUDISHA MAFILE YALIYOJIFICHA [Hidden Files] KATIKA FLASH YAKO

As salaam aleikum ndugu msomaji, umeamka asubuhi na mapema unawahi kibaruani kwa ajiri ya kufanya presentation (mrejesho), shingoni au mfukoni umeweka flash yako yenye presentation nzima unayotakiwa kufanya siku hiyo, barabarani foleni inakuchelewesha unafika ofisini katika ukumbi wa mikutano unakuta watu wamenuna kwa kukusubiri. Unajaribu kuomba msamaha na watu wanakuelewa, ile kuchomeka flashi katika kompyuta yako unashtushwa na unachokiona, mafile yote hayaonekani. Hapo unaanza kuchanganyikiwa na kuanza kufikiria jinsi ya kuomba msamaha kwa mara ya pili huku wasiwasi ukikushika juu ya hatma ya kibarua chako.

Ondoa shaka, unaweza ukarudisha mafile yako yaliyojificha bila tabu na kuendelea na presentation yako. Kitu cha muhimu kufahamu ni kwanini mafile yako yamejificha?

Sababu zinazosababisha kujificha kwa mafile katika USB Flash drive yako

Virusi vya kompyuta
Settings za kompyuta yako
Hitilafu katika Flash

Kuna njia tofauti za kurudisha mafile yaliyofijicha kutegemea na sababu iliyosababisha kujificha kwa mafile hayo

Njia ya Kwanza: Hapa inategemea na toleo la mfumo endeshi unalotumia, kwa watumiaji wa Windows 8, 8.1 na 10 fungua This Pc au My Computer, na angalia katika ribon ya juu ( Menu bar), chagua view–>tiki sehemu iliyoandikwa Hidden Items na hapo mafaili au mafolder yaliyojificha yataonekana.

Njia ya Pili: Hii ni kwale ambao mafile au mafolder yao yamefichwa na virus, hapa tutamia cmd ili kuweza kurudisha mafile yetu yaiyojificha.

Fungua Command Prompt kwa kubonyeza alama ya Windows + X kwa pamoja, shusha mpaka kwenye Command Prompt ili kufungua. Au unaweza ukafungua start menu kwa watumiaji wa Windows 7, fungua run alafu andika cmd kisha bonyeza enter ili kufungua.

Hapa tufanye pendrive (flash) yako imepewa herufi G: kwenye windows explorer, alafu andika komandi zifuatazo au Copy na Kupaste komandi hizi kwa right click kwenye cmd na kupaste,

attrib -h -r -s /s /d g:\*.*

Badilisha herufi g: kuwa herufi za flash yako. Alafu bonyeza enter , utaona mstari huo wa maandishi unarukia katika mstari wa pili. Hapo mafile yako yote yaliyojificha yataonekana yote hata kama yalikuwa yamefichwa na virus.

Njia ya Tatu: Tumia Antivirus program unayoiamini kama Kaspersky au Norton kuscan Flash yako au unaweza ukadownload tool itakayokusaidia kuondoa virus aina ya Autorun hapa. http://ccm.net/download/download-11613-autorun-exterminator . Kisha install, hii itakusaidia kuondoa autorun.inf wote waliopo kwenye kompyuta yako pamoja na kwenye flash drive yako.

Zingatio: Hakikisha una install Antivirus Program ya kuaminika katika kompyuta yako au update antivirus iliyopo ili kukuongezea usalama.