Articles by "Ubuntu"
Showing posts with label Ubuntu. Show all posts
Kwenye tutorial hii nitawaonyesha jinsi ya kuinstall ubuntu katika kompyuta yako. Kwa wale wenzangu wasiofahamu ubuntu ni nini?. Ubuntu ni operating system kama ilivyo microsoft windows nadhani wengi tutakuwa tunaifahamu ila yenyewe imetokana na linux.


Kwa nini ubuntu?

Najua wengi mtakuwa mnajiuliza kama kompyuta yangu imekuja tayari ina microsoft windows kwa nini niinstall ubuntu. Kwanza kabisa ubuntu itafanya kompyuta yako ifanye kazi kwa haraka zaidi kushinda microsoft windows, nani asiyetaka kubonyeza program fulani na hapo hapo ikafunguka? Kama unahisi unahitaji kompyuta yako iwe na spidi zaidi basi ubuntu itakufaa. Sababu ya pili ni kwamba kwenye ubuntu hamna virusi, kwa sababu hiyo basi hautakuwa na haja ya kutafuta antivirus au kuhofu labda siku mafile fulani yatakuwa corrupted(yataharibika). Sababu ya tatu ni urahisi wake wa kuinstall kwani unaweza kuinstall kwa kutumia flash disk ambayo ni njia ya haraka zaidi na kama una zile kompyuta ndogo (minicomputer) ambazo hazina CD/DVD drive basi hautahitaji kununua external CD/DVD drive. Sababu ya nne ni kwamba ubuntu haitumii space/memory kubwa kwenye kompyuta yako, file lake la kuinstalia lina ukubwa wa chini ya 700MB kwa hiyo unaweza kutumia CD na sio DVD kama microsoft windows 7, amabayo inachukua memory zaidi ya 2GB. Naona nimeleta longo longo nyingi, hebu tuchape kazi.

Jinsi ya kuinstall step by step

 1. Andaa flash disk yako au CD
Kwanza kabisa utahitaji kudownlaod file la kuinstalia(ISO file au image file), unaweza kulipata kutoka hapa. Bonyeza start download. Kama unafahamu vizuri kompyuta yako ni 32bit au 64bit changua kutoka kwenye "Choose your flavour", kama huulewi chochote basi bonyeza start download, Usihofu kwani file utakalolipata ndio ubuntu wanalirecommend kutumia. Ukishamaliza kudownload burn hilo file kwenye CD/DVD kwa kutumia program yoyote ya kuburn kama nero, free iso burner. Unaweza pia kuburn kwenye flash disk yako, kama unataka kutumia flash disk soma "Jinsi ya kuburn ubuntu kwenye flash disk". Ukishamaliza kama unatumia flash disk ichomeke kwenye kompyuta yako na kama unatumia CD/DVD basi iweke kwenye CD/DVD drive halafu restart kompyuta yako.
2. Maandalizi kabla ya kuinstall
Kompyuta wakati inajiwasha itatafuta kama kuna CD/DVD au flash disk, ikiona ni bootable itaanza kuzisoma. Muda mwingine inawezekana boot sequence ya kompyuta haianzi na CD kwa hiyo kompyuta haitaisoma CD na utashindwa kuinstall, inabidi ubadilishe boot sequence kwenye boot menu kwa kushikilia(hold) F2 wakati kompyuta inawaka. kompyuta zingine hazitumii F2, kwa hiyo ni vyema kuangalia screen ya kompyuta yako wakati inawaka kwani huwa inaandika ubonyeze kitufe gani ili boot options zitokee. Vitufe vinavyotumika na kompyuta nyingi huwa ni F1, F2, F12, ESC, au backspace. Ukishaseti save and exit. Sasa kompyuta itaweza kuisoma CD/DVD au flash disk. Cha kuzingatia ni kwamba chochote utakachotumia iwe CD au flash disk lazima kiwe cha kwanza kwenye boot order. kompyuta ikishamaliza kusoma utaona screen hiyo hapo chini, Chagua lugha upande wa kushoto halafu bonyeza install ubuntu. unaweza kubonyeza try ubuntu, ili utumie ubuntu bila kuiinstall!

Kama hauna internet au internet yako ipo slow usitick download updates while installing. Bonyeza continue.
Kama unatumia windows ni vizuri kuchangua install ubuntu alongside windows. Hii itafanya windows yako isifutwe na uweze kutumia zote kwa pamoja. Bonyeza continue.
Shikilia katikati ya windows na ubuntu ili kuchagua kiasi cha memory utakachotumia kwa ajili ya ubuntu. Bonyeza Install Now.
3. Anza kuinstall
Baada ya kubonyesha install now, step zinazofuata ni kujaza maswali sehemu zitakazohitajika, ubuntu itaendelea kujiinstall wakati wewe unaendelea kujaza. Kwenye screen hiyo hapo chini chagua sehemu ulipo, unaweza ukaandika au ukabonyeza kwenye ramani. Kisha bonyeza Continue.

Chagua keyboard style yako,kama upo bongo keyboard nyingi zinakuwa ni English(US), kama una aina tofauti pia unaweza kuichagua, kisha bonyeza Continue.
Ingiza jina na password unayotaka kutumia, kama hupendi kutumia password wakati kompyuta inawaka chagua Login automatically. Kisha bonyeza Continue.
Mpaka hapo utakuwa umeshamaliza kujaza maelezo yanayohitajika, sasa unaweza kusubiri ubuntu imalize kujiinstall.
Ikishamaliza itakuomba kurestart, bonyeza Restart Now, kompyuta ikishawaka itakuwa tayari, na unaweza kuanza kuifurahia ubuntu!

Katika tutorial hii nitawaonyesha jinsi ya kuburn ubuntu kwenye flash disk. Kwa kawaida watu wengi huwa wanainstall operating systems kwa kutumia CD au DVD kwa sababu tu ndo njia ambayo imekuwa ikitumika kwa muda mrefu. Ukweli ni kwamba kuinstall kwa kutumia flash disk kunachukua mda mfupi zaidi kuliko CD au DVD.Sababu ni kwamba kompyuta ikihitaji data, CD inabidi izunguke mpaka ifike mahali ambapo ile data ipo ndo kompyuta iisome, wakati kwa flash disk hakuna kuzunguka, data inapatikana hapo hapo. Ntawaonyesha njia mbili, moja kuburn ukiwa kwenye ubuntu na nyingine kuburn ukiwa kwenye windows. Kabla hujaendelea download file la ubuntu hapa au kwenya links chini kabisa mwisho wa hii tutorial. Au kama unalo tayari unaweza kuendelea.

Kuburn ukiwa kwenye ubuntu

Kama unatumia ubuntu tayari au kuna rafiki yako ana ubuntu basi hii ndo njia rahisi kabisa ya kuburn ubuntu kwenye flash disk. Ubuntu huwa inakuja ikiwa na program inayoitwa "Startup Disk Creator", unaweza kutumia hii program kuburn ubuntu kwenda kwenye flash disk. Kwa wanaotumia ubuntu kuanzia version 11.04 kwenda juu watabonyeza start menu, kile kitufe cha kwenye kona kabisa, kisha search kwa kuandika "startup disk creator", ikitokea ibonyeze.
Kwa wanaotumia ubuntu version 10.04 kwenda chini, bonyeza System-->Administration-->Startup Disk Creator

Program ikishafunguka bonyeza "Other" ili kuonyesha setup file lako la ubuntu lilipo. 


Chagua hilo file na bonyeza "Open"

 Mahali palipo andikwa "Disk to use" chagua flash disk unayotaka kuitumia, zitatokea nyingi kama utakuwa umechomeka flash disk zaidi ya moja. Kisha bonyeza "Make Startup Disk".
 Kompyuta itaanza kucopy mafile kwenda kwenye flash disk, inaweza ikataka uweke password yako ya ubuntu wakati inaendelea, weka password, Ikishamaliza flash disk yako ipo tayari kutumika!

Kuburn ukiwa kwenye windows

Window haiji na program kwa ajili ya kuburn operating systems to ubuntu, hivyo basi inabidi udownload UNetbootin kutoka hapa. Hakikisha flash disk yako imeformatiwa kwa FAT32 au FAT16 format, kwa kuright-click kisha format, halafu chagua FAT32 au FAT16. Kabla hujaformat copy vitu vyako mahali pengine. Kisha bonyeza UNetbootin uliyoidownload, bonyeza yes kwenye window itakayotokea. 

Kisha chagua mahali palipoandikwa "Diskimage", kisha bonyeza "..." ili kuchagua setup file lako la ubuntu lilipo, usichague "Distribution" hiyo imewekwa kama haujadownload ubuntu tayari, itadownload ubuntu na itaiburn kwenye flash disk.Ukishachagua setup file bonyeza "Open".

 Chagua flash disk unayotaka kutumia kuburn ubuntu, kisha bonyeza "OK".
 Kompyuta itaanza kucopy mafile, subiri kidogo ikishamaliza, flash disk yako ipo tayari kutumika!
"This program installed correctly"

 Ikishamaliza unaweza ukachagua kureboot moja kwa moja, au ukaexit na kureboot baadae muda utakao amua.
 Ukishamaliza windows inaweza kukupa warnings kwamba program(UNetbootin) haikuinstall vizuri, ziignore kwa sababu UNetbootin haihitaji kuinstaliwa. Chagua "This program installed correctly".